Asociacioni për Gazetarët Shqiptarë (AGSH) ka dorëzuar sot në Gjykatën Kushtetuese kërkesën për shpalljen si antikushtetues të vendimit të qeverisë për mbylljen e platformës TikTok në Shqipëri.
Në një deklaratë për mediat para Gjykatës Kushtetuese, kreu i AGSH, Isa Myzyraj, u shpreh se ky vendim krijon një precedent të rrezikshëm, i cili mund të çojë në kufizime të tjera të lirisë së shprehjes dhe qasjes në internet.
“Nuk mund të shkohet drejt censurës së plotë dhe mbylljes së rrjeteve sociale. Ky vendim cenon lirinë e shprehjes dhe të drejtën ekonomike të qytetarëve shqiptarë. Besojmë se anëtarët e Gjykatës Kushtetuese nuk do ta legjitimojnë këtë vendim, pasi ai mund të hapë rrugën për kufizime edhe më të rënda në të ardhmen,” tha Myzyraj.
Sipas AGSH, vendimi për mbylljen e TikTok prek jo vetëm përdoruesit individualë, por edhe bizneset dhe krijuesit e përmbajtjes, të cilët e përdorin platformën për qëllime profesionale dhe ekonomike. Asociacioni kërkon shfuqizimin e vendimit dhe mbrojtjen e të drejtave kushtetuese të qytetarëve shqiptarë. /korrieri
SHIKO EDHE:
‘Këtë javë nuk ka temperatura mbi 40 gradë Celsius’, meteorologia: Priten reshje shiu në të gjithë vendin !
Plarent Ndreca është marrë i pandehur nga SPAK? Çuçi nuk komenton: Merreni përgjigjen nga vetë ai
Një anonim politik në ministrinë më të rëndësishme, Rama nuk heq dorë nga eksperimentet e tipit Gent Cakaj dhe …hija e Durrësit
Fluturojnë çmimet e hoteleve, rritje mes 5-90% , PODA nuk jep as kupon tatimor
Qau në Kongresin e PS, demokratët duan “kokën” e Vullnet Sinaj : Përfitoi miliona përmes Big Market në mënyrë të paligjshme
Vasil Bedinaj i Hotel Regina grusht qytetarit në Vlorë pas sherrit për hapësirat
