EMRAT/ Fshehen sulmin ndaj serverave, kush janë 7 punonjësit e One Albania që u proceduan, prishen provat ndaj Veliajt?

Shtatë punonjës të sigurisë dhe një drejtues departamenti i kompanisë telefonike One Albania janë vënë nën hetim për fshehjen dhe moskallëzimin e një sulmi ndaj ambientit të kompanisë.

Sipas burimeve zyrtare, hetimet paraprake kanë zbuluar se më 25 dhjetor, rreth orës 02:30, dy persona të maskuar kanë hyrë në ambientet e kompanisë, duke dëmtuar drynin e derës së pasme. Ngjarja është konstatuar nga punonjësi i sigurisë së brendshme, shtetasi Gentian Koçi, i cili ka raportuar se nuk janë marrë sende dhe nuk janë shkaktuar dëme materiale.

Megjithatë, ai nuk ka njoftuar organet ligjzbatuese, por vetëm drejtuesin teknik dhe punonjësit e sigurisë fizike që kishin në ruajtje ambientin. Gjithashtu, hetimet kanë zbuluar se edhe përfaqësues të kompanisë telefonike kanë qenë në dijeni të incidentit, por nuk e kanë raportuar atë tek autoritetet kompetente.

Në kuadër të hetimeve, janë proceduar penalisht punonjësit e sigurisë:

• Erald Sina, me detyrë Drejtues Departamenti i Zyrave dhe Pasurisë në kompaninë ONE.

• Gentian Koçi, punonjës i sigurise fizike kompania ONE.

• Arsil Feshti, detyrë punonjës sigurie i brendshem kompania One.

Alfred Zylalaj, me detyrë drejtues Teknik i Kompanisë Nazeri 2000.

• Gëzim Sala, punonjës sherbimi SHPSF Nazeri 2000.

• Koço Veneti

• Myzafer Dinoshi, punonjës shërbimi SHPSF Nazeri 2000

• Ismet Tartari, punonjës shërbimi SHPSF Nazeri 2000.

Hetimet vijojnë për të zbardhur rolin e secilit në fshehjen e ngjarjes dhe veprimet e kryera për të mos e bërë publike sulmin ndaj kompanisë One Albania. /korrieri

SHIKO EDHE:

SPAK, operacion në disa qytete, zbulohet arsenal armësh! Lëshohen 6 urdhër arreste Rama “bind” Fevziun për turizmin, gazetari nxjerr pas dy ditësh video të montuar për Gjirin e Gramës Maklen Mici ,  ‘FIGURA’ që pastronte paratë e klanit ÇOPJA: Miliona EURO përmes exchange dhe kompani ndërtimi! Si u pikas dhe u arrestua i “tmerrshmi” i Çopjave KESH financon Gardën Revolucionare të Iranit, miliona USD pagesa për naftën e Tigrave të Vlorës Dhunoi dhe la pa ngrënë bashkëshorten e cila ndërroi jetë në spital, Gjykata e liron nga burgu