Eurosig në vorbullën e fajdeve? Lira Credit e drejtor Zaim Bardhi merr leje për hotel në Tiranë, çfarë fshihet në detaje 

Eurosig në vorbullën e fajdeve, Lira Credit e drejtor Zaim Bardhi merr leje për hotel në Tiranë, çfarë fshihet në detaje 

Pas skandalit të mikrokredive ku kompani zhvatëse si Final dhe MCA u nxinë jetën mijëra shqiptarëve duke detyruar të tjerë të vetëflijohen, siç ndodhi me Pal Trashajn, Banka e Shqipërisë ka shtrënguar kushtet për këtë sektor duke hequr madje disa licenca.

Por duket se ka ende personazhe të këtij sektori që vijojnë aktivitetin, madje pa asnjë licencë nga Banka e Shqipërisë duke bërë kështu që të mos jetë më në sektorin e mikro kredisë, por të fajdeve. Madje, personazhe të tillë me lidhje të forta në sektorin e sigurimeve kanë kaluar edhe në ndërtim, duke marrë leje për ndërtimin e një hoteli gjigant në Tiranë. 

Korrieri mëson se kompania “Tech & Smile Provider” shpk ka marrë sëfundmi një leje për ndërtimin e një hoteli gjigant në Sauk të Tiranës.

Deri këtu situata duket normale pasi në çmendurinë e kullave dhe fshatrave turistik, ndërtimi i një hoteli duket më se normal për një qytet ku turizmi po zgjerohet, por siç thuhet, djalli fshihet në detaje.

Pasi rrëmon pak te kompania “Tech & Smile Provider” gjen tërësisht kokat e Lira Credit, një biznes që thotë në QKB se ushtron “aktivitetin si institucion financiar i mikro kredisë si dhe shërbime këshilluese për veprimtarinë e kredidhënies”.

Në fakt, siç konfirmon Korrieri edhe nga faqja e Bankës së Shqipërisë, Lira Credit nuk ka licencë për ushtrimin e këtij aktiviteti dhe gjithçka është bërë në mënyrë krejtësisht të paligjshme, kjo pasi regjistrimi në QKB nuk mjafton për këtë aktivitet.

Duhet edhe një licencë nga Banka e Shqipërisë, gjë të cilën Lira Credit nuk e ka. Por le të vijojmë me lidhjet e Zaim Bardhit, Lira Credit dhe kompaninë Eurosig. 

Kush fshihet pas Lira Credit dhe si lidhen fajdet me Eurosig

Zaim Bardhi, aksioner dhe administrator i Lira Credit bashkë më djalin e tij dhe dy aksionerë të tjerë.
Nga ana tjetër, Arlind Bardhi është pronar me 70% të aksioneve te kompania “Tech & Smile Provider”. Kujtojmë se të njëjtët persona janë aksionerë pikërisht te Lira Credit që operon në treg pa licencë duke kaluar në terrenin e fajdeve dhe jo mikrokredive. 

Nga ana tjetër, duket se Zaim Bardhi është i vjetër në këto punë pasi rezulton se ai është anëtar i Bordit të Drejtorëve të kompanisë Eurosig.

Siç duket edhe nga të dhënat e faqes së vetë kompanisë Eurosig, Zaim Bardhi rezulton pjesë e krerëve drejtues të kësaj kompanie. 

Duket se Lira Credit operion në ilegalitet të plotë pasi nuk ka asnjë adresë, zyrë, faqe ëebi apo ndonjë shenjë online përveç kontaktit personal të z.Bardhi në QKB. 

/korrieri

SHIKO EDHE:

Arrestuar më herët dhe përjashtuar nga tenderët për mashtrim , Nadir Çausholli kalon në agroturizëm GRAFIKU/ Me fitime kolosale prej 7 vitesh: Si xhambazët në krye të KURUM po shantazhojnë shtetin shqiptar duke marrë “peng” 500 punonjës  Palët nuk donin zhurmë, pse i “fali” Artur Koçeku ata që e lanë pa ndjenja te Bar Sin në Palasë , çfarë fshihet në prapaskenë, mediat: Erinda Lutaj , pronare e biznesit ku ndodhi sherri  Falsifikimi miliardësh, si Vëllezërit Hysa krijuan kompani fiktive për tenderin e rrugës Kardhiq – Delvinë DOSJA/ Piro Xhixho tmerrohet nga SMS i Armando Dukës, Monika: Mos ja vër re, ka qenë i tapë, Samir Mane : Ik me Evën në Milano  Thyhet siguria te Aeroporti Ndërkombëtar i Tiranës (!) , pse arrestimi i punonjësit për vjedhje zbuloi një skandal të madh