Në kuadër të hetimeve për korrupsion ndaj ish-shefit të qarkullimit në Tiranë, Roven Zeka, është zbuluar emri i biznesmenit të cilit i është sekuestruar celulari nga Prokuroria e Posaçme (SPAK).
Sipas VNA.al, bëhet fjalë për Ndriçim Babasin, ish-deputet, i cili dyshohet se ka ndërmjetësuar kontaktin midis Zekës dhe një personi që akuzohet se ka paguar ryshfet për të shmangur arrestimin e bashkëshortes së tij, të përfshirë në një aksident rrugor.
Hetimet kanë zbuluar se, përveç sekuestrimit të celularëve, SPAK ka marrë në administrim edhe pamjet e kamerave të sigurisë të bllokut të sigurisë, pas dyshimeve se Roven Zeka është vizituar në qeli nga disa zyrtarë të tjerë të policisë. Vizitat e tilla në ambientet e izolimit janë të ndaluara për personat nën hetim, çka ka shtuar dyshimet mbi përpjekjet për të ndikuar në hetimin penal.
Roven Zeka u arrestua më 10 prill 2025, së bashku me dy vartësit e tij, Sokol Novaku dhe Edison Tabaku, nën akuzën e “korrupsionit pasiv të personave që ushtrojnë funksione publike”. /vna.al
SHIKO EDHE:
“25 mln euro në lingota ari dhe kriptomonedha”, Lala zbulon si u sekuestruan pasuritë e fshehura të grupit Çopja!
“Më kërkonte të prostituoja”, dëshmia tronditëse e motrës së autorëve të vrasjes së Ramazan Matajt në Shkodër
Kërkoi të vuante pjesën e mbetur të dënimit në shtëpi, gjykata “rrëzon” Safet Gjicin
Burrat luftojnë, rusja dhe ukrainasja, aleancë në Shqipëri si tutore prostitutash
Vrasja makabre e 13-vjeçares shqiptare! Zbardhet krimi që bëri bujë në Itali, të miturën e hodhi nga tarraca i dashuri i saj
